നിരോധിത ലഹരിപദാര്‍ത്ഥങ്ങള്‍ പിടികൂടി;
മൂന്ന് പേര്‍ അറസ്റ്റിൽ
വാടകയ്ക്ക് ഇടുത്ത കെട്ടിടത്തില്‍ സൂക്ഷിച്ച ഒന്നരക്കോടി രൂപ വിപണി വില വരുന്ന ലഹരി പദാര്‍ത്ഥങ്ങള്‍ എക്‌സ്‌സൈസിന്റെ നേതൃത്വത്തില്‍ പിടികൂടി. സംഭവത്തില്‍ മൂന്ന് പേരെ അറസ്റ്റു ചെയ്തു. കിഴക്കഞ്ചേരി വക്കാല സ്വദേശി സുദേവന്‍ ( 41) ഇടുക്കി സ്വദേശികളായ രഞ്ജിത്ത് (27) മനോജ് (30) എന്നിവരെയാണ് അറസ്റ്റുചെയ്തത്.
പാലക്കാട് എക്‌സ്‌സൈസ് ഡെപ്യൂട്ടി കമ്മീഷ്ണര്‍ക്ക് ലഭിച്ച രഹസ്യ വിവരത്തെ തുടര്‍ന്ന് ആലത്തൂര്‍, കൊല്ലങ്കോട് പാലക്കാട് എന്നിവിടങ്ങളിലെ എക്‌സസൈ് പ്രത്യേക പരിശോധന ടീമിന്റെ നേതൃത്വത്തിലാണ് സാധനങ്ങള്‍ പിടിച്ചെടുത്തത്. വെളുത്തുള്ളി ചാക്കുകള്‍ക്കിടയില്‍ ഒളിപ്പിച്ചാണ് അയല്‍ സംസ്ഥാനങ്ങളില്‍ നിന്ന് ഇവിടെ എത്തിച്ച് ലഹരി പദാര്‍ത്ഥങ്ങള്‍ വില്‍പ്പന നടത്തുന്നത്. പരിശോധനയില്‍ 316 ചാക്കും, 32 പെട്ടികളിലുമായി സൂക്ഷിച്ച ഹാന്‍സ്, കോള്‍ലിപ്പ് എന്നിവ പിടിച്ചെടുത്തത്. ഇവ കൊണ്ടുവന്ന ലോറിയും കസ്റ്റഡിയിലെടുത്തു. ചൊവ്വാഴ്ച പുലര്‍ച്ചെ 12.30 ന് തുടങ്ങിയ പരിശോധന കാലത്ത് 7 മണിയ്ക്കാണ് അവസാനിച്ചത്. ആലത്തൂര്‍ എക്‌സൈസ് ഇന്‍സ്‌പെക്ടര്‍ ജയപ്രസാദ്, പ്രവന്റീവ് ഓഫീസര്‍മാരായ പി എസ് സുമേഷ്, ശ്രീകുമാര്‍, മനോഹരന്‍, അരവിന്ദാക്ഷന്‍, രതീഷ്, രഞ്ജിത്ത് ചെന്തമര, വിനു കുമാര്‍ എന്നിവര്‍ പരിശോധനയ്ക്ക് നേതൃത്വം നല്‍കി.
പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക
https://chat.whatsapp.com/FqGhRZHxv32A920Ib3gI04
