മംഗലം ഡാം വില്ലേജിൽപ്പെട്ട നേർച്ചപ്പാറ ചെള്ളിക്കയം ഭാഗത്തുള്ള , സിബി സക്കറിയാസ് തുടിയൻപ്ലാക്കൽ, ടോമി തേക്കിൻ കാട്ടിൽ, ജിജി കാവിപുരയിടത്തിൽ എന്നിവരുടെ കൃഷി സ്ഥലത്ത് ഇന്നലെ നാലര മണിയോടെ കാട്ടാന ഇറങ്ങി വ്യാപകമായി കൃഷി നശിപ്പിച്ചു. തെങ്ങ്, കമുക്, വാഴ, കുരുമുളകു മുതലായ കൃഷികളാണ് നശിപ്പിച്ചത്.
രാവിലെ ടാപ്പിങ്ങിന് പോയ തൊഴിലാളികൾ തലനാരിഴക്കാണ് രക്ഷപ്പെട്ടത്.
കഴിഞ്ഞ കുറെ ദിവസങ്ങളായി ആനയുടെ സാന്നിധ്യം ഈ സ്ഥലത്തുണ്ട്. മറ്റു പലരുടെയും സ്ഥലങ്ങളിലും ആന കഴിഞ്ഞ ദിവസങ്ങളിൽ കയറിയിട്ടുണ്ട്.
കൊച്ചുകുട്ടികളും പ്രായമായവരും ഉൾപ്പെടെ ഉള്ളവരുള്ള 40 ഓളം കുടുംബങ്ങൾ , ഈ ചുറ്റുവട്ടത്ത് താമസിക്കുന്നുണ്ട്.
ഇതേ സമയം തന്നെ ഈ സംഭവം നടന്നതിന്റെ 500 മീറ്റർ അകലെ , റബർ ടാപ്പ് ചെയ്തുകൊണ്ടിരുന്ന നേർച്ചപ്പാറ ബാബു എന്നയാൾ തോട്ടത്തിൽ വച്ച് വളരെ അടുത്തായി പുലിയെ കാണുകയുണ്ടായി.
പുലിയെ കണ്ട സ്ഥലത്തിന് ചേർന്ന് വളരെയധികം വീടുകൾ ഉള്ളതാണ്.
ആന പുലി കാട്ടുപന്നി തുടങ്ങിയ വന്യമൃഗങ്ങൾ വീടുകൾക്ക് അടുത്തായി സ്വൈര്യ വിഹാരം നടത്തുന്നതിൽ ജനങ്ങളെല്ലാം പരിഭ്രാന്തരാണ്.
വനംവകുപ്പ് ഉദ്യോഗസ്ഥർ സ്ഥലത്തെത്തി മേൽ നടപടികൾ
ഉറപ്പു നൽകി.
ജനങ്ങളുടെ ജീവനും സ്വത്തിനും സംരക്ഷണം നൽകേണ്ട അധികാരികൾ നിഷ്ക്രിയരായിരിക്കുന്നതിൽ കിഫ ആലത്തൂർ നെന്മാറ അസംബ്ലി ലെവൽ കമ്മിറ്റികൾ ശക്തമായ പ്രതിഷേധം രേഖപ്പെടുത്തി.
ഈ ജനവാസ മേഖലയിൽ സ്ഥിരമായി കാണപ്പെടുന്ന പുലിയെ പിടിക്കാൻ കൂട് സ്ഥാപിക്കണമെന്നും വനംവകുപ്പിനോട്് ആവശ്യപ്പെട്ടു.
പ്രാദേശിക വാർത്തകൾ WhatsApp ൽ ലഭിക്കുന്നതിന് താഴെ Click ചെയ്യുക 👇🏻
https://chat.whatsapp.com/Egc8ACcg23sLWDlwBl2Fcx
