വടക്കഞ്ചേരിയിൽ കെഎസ്ആർടിസി ബസും ടോറസ് ലോറിയും കുട്ടിയിടിച്ച് അപകടം

ദേശീയപാത മംഗലംപാലം ബൈപ്പാസിൽ കെ എസ് ആർ ടി സി ബസ്സും ലോറിയും കൂട്ടിയിടിച്ചു. അപകടത്തിൽ ആർക്കും പരിക്കില്ല. ഇന്ന് വൈകുന്നേരം ആറ് മണിയോടു കൂടിയാണ് അപകടം സംഭവിച്ചത്.തൃശൂരിൽ നിന്നും പാലക്കാട് ഭാഗത്തേക്ക് പോവുകയായിരുന്ന കെ എസ് ആർ ടി സി ബസ്സ് ബൈപ്പാസിൽ നിന്നും ദേശീയപാതയിലേക്ക് കയറുന്നതിനിടെ തൃശുർ ഭാഗത്തേക്ക് കരിങ്കല്ല് കയറ്റി പോവുകയായിരുന്ന ലോറി ഇടിക്കുകയായിരുന്നു. അപകടത്തെ തുടർന്ന് ദേശീയപാതയിലൂടെയുള്ള വാഹനഗതാഗതം ഭാഗിഗമായി സ്തംഭിച്ചു. ഇവിടെ സിഗ്നൽ സംവിധാനത്തിന്റെ കുറവ് മൂലം നിരവധി അപകടങ്ങളാണ് ഉണ്ടായിട്ടുള്ളത്. ശാശ്വതമായ പരിഹാരം കണ്ടില്ലെങ്കിൽ വലിയ ദുരന്തം സംഭവിക്കാൻ സാധ്യത ഉള്ള പ്രദേശമാണ് ഇവിടെ