പ്രാദേശിക പത്രപ്രവർത്തകർക്ക് സർക്കാർ പ്രഖ്യാപിച്ച ക്ഷേമനിധി നടപ്പിലാക്കാൻ അടിയന്തിര ഇടപെടൽ നടത്തും: കെ.ഡി.പ്രസേനൻ എം.എൽ.എ
ആലത്തൂർ:പ്രാദേശിക പത്ര പ്രവർത്തകർക്ക് സർക്കാർ പ്രഖ്യാപിച്ച ക്ഷേമനിധി നടപ്പിലാക്കാൻ അടിയന്തിര ഇടപെടൽ നടത്തുമെന്ന് കെ. ഡി. പ്രസേനൻ എം.എൽ.എ പറഞ്ഞു.
കേരളാ ജേർണലിസ്റ്റ് യൂണിയൻ ആലത്തൂർ മേഖലാ കമ്മിറ്റിയുടെ നേതൃത്വത്തിൽ എം.എൽ.എയായി രണ്ടാമതും തെരഞ്ഞെടുക്കപ്പെട്ടതിന് ആദരിച്ച ചടങ്ങിലാണ് എം.എൽ.എ മാധ്യമ പ്രവർത്തകരോട് പറഞ്ഞത്.
സാധാരണ ജനങ്ങളുടെ വിഷയങ്ങൾ മുഖ്യധാരയിലേക്ക് ഉയർത്തിക്കോണ്ട് വന്ന് അധികൃതരുടെ മുന്നിൽ എത്തിക്കുന്നതിൽ പ്രഥമസ്ഥാനം പ്രാദേശിക പത്രാപ്രവർത്തകർക്ക് ഉള്ളതാണ്. കോവിഡ് പ്രതിസന്ധിയിലും മുഴുവൻ സമയവും ജോലിയിൽ ഏർപ്പെടുന്ന ഇവർക്ക് സുരക്ഷാ പദ്ധതികൾ അടക്കം ഏർപ്പെടുത്തേണ്ടതും അനിവാര്യമാണെന്നും എം.എൽ.എ പറഞ്ഞു. ഇതിനായി പരിശ്രമിക്കുമെന്നും കെ. ഡി. പ്രസേനൻ മാധ്യമ പ്രവർത്തകർക്ക് ഉറപ്പ് നൽകി. കേരള ജേർണലിസ്റ്റ് യൂണിയൻ
ജില്ലാ വൈസ് പ്രസിഡൻ്റ് ജോബ് ജോൺ പൊന്നാട അണിയിച്ച് ആദരിച്ചു. ജില്ലാ കമ്മറ്റി ഉപഹാരം പ്രസിഡൻ്റ് ബെന്നി വർഗീസ് നൽകി. പ്രാദേശിക മാധ്യമ പ്രവർത്തകരുടെ വിവിധ ആവശ്യങ്ങൾ ഉന്നയിച്ചുള്ള നിവേദനം ജില്ലാ ട്രഷറർ സുനു ചന്ദ്രൻ എം.എൽ.എയ്ക്ക് നൽകി. ജില്ലാ ജോയിൻ്റ് സെക്രട്ടറി ഷിബു ജോൺ, എൻ.അമീർ, ബിനു തോമസ്, അനൂപ് അഴിക്കുളങ്ങര , ജി.അലോഷ്യസ് എന്നിവർ പങ്കെടുത്തു..
