മുടപ്പലൂർ ടൗൺ എത്തുന്നതിന് അരകിലോമീറ്റർ മുൻപിൽ വടക്കഞ്ചേരി ദിശയിൽ നിന്ന് മംഗലംഡാമിലേക്ക് പോകുന്ന ബസിന് പുറകിൽ ഓട്ടോറിക്ഷ ഇടിച്ച് യുവാവിന് സാരമായി പരിക്കേറ്റു .വാണിയംപാറ സ്വദേശി പാറക്കുന്നിൽ ദിപീഷ് (35) നാണ് പരുക്ക് പറ്റിയത്. ഉടൻ തന്നെ 108 ആംബുലൻസിൽ തൃശൂർ അശ്വനി ആശുപത്രിയിലേക്ക് കൊണ്ടുപോയി. വടക്കഞ്ചേരിയിൽ നിന്നും മംഗലം ഡാമിലേക്ക് പോയിരുന്ന സ്വകാര്യ ബസ് പെട്ടെന്ന് റോഡിൽ നിർത്തിയപ്പോൾ പുറകെ വന്നിരുന്ന പെട്ടി ഓട്ടോ മോഡൽ പാൽ വണ്ടി ബസിനു പുറകിൽ ഇടിച്ചാണ് അപകടം ഉണ്ടായതെന്ന് നാട്ടുകാർ പറഞ്ഞു. പരുക്ക് പറ്റിയ യുവാവിന്റെ രണ്ടു കാലുകളുടെ എല്ലുകൾക്കും പൊട്ടലുണ്ട് . ഓട്ടോ പൂർണമായും തകർന്നു. ഡ്രൈവർ സീറ്റിൽ കുടുങ്ങിയ യുവാവിനെ അപകട സ്ഥലത്തെ ആളുകളാണ് പുറത്തെടുത്തത്. ഇന്ന് ഉച്ചയ്ക്ക് 12 മണിക്കാണ് അപകടം നടന്നത്. അപകത്തിൽ ബസിന്റെ പുറകുഭാഗത്തും കേടുപാടുകളുണ്ട് വടക്കഞ്ചേരിയിൽ നിന്നും ഫയർ ഫോഴ്സും വടക്കഞ്ചേരി പോലീസും സംഭവ സ്ഥലത്ത് എത്തിയിരുന്നു.
പ്രാദേശിക വാർത്തകൾ WhatsApp ൽ ലഭിക്കുന്നതിന് താഴെ Click ചെയ്യുക 👇🏻
https://chat.whatsapp.com/Egc8ACcg23sLWDlwBl2Fcx
