രണ്ടാംവിള നെൽകൃഷിക്കായി മംഗലംഡാം കനാലുകൾ തുറന്നു

രണ്ടാംവിള; മംഗലംഡാം കനാലുകൾ തുറന്നു

രണ്ടാം വിള നെൽ
കൃഷിക്കായി മംഗലംഡാം കനാലുകളിലൂടെ വെള്ളം തുറന്നു വിട്ടു. 15 ദിവസത്തേക്കാണു മംഗലം ഡാം ഇടതു വലതു കര കനാലുകൾ തുറന്നത്. മെയിൻ കനാലുകൾ വൃത്തിയാക്കിയിട്ടുണ്ടെങ്കി ലും പല ഭാഗത്തും ചോർച്ചയുണ്ട്. ഫണ്ടില്ലെന്ന കാരണത്താൽ വർഷങ്ങളായി സബ് കനാലുകളും കാഡ ചാലുകളും അറ്റകുറ്റപ്പണികൾ നടത്തിയിട്ടില്ല.

കനാൽ ക്ലൂയിസുകളിലെ ഷട്ടറില്ലാത്ത ഭാഗങ്ങളും നന്നാക്കിയിട്ടില്ല. പലയിടത്തും പാഴാകുന്നതിനാൽ വാലറ്റ പ്രദേശങ്ങളിലേക്കു വെള്ളമെത്തുമോ എന്ന ആശങ്കയും കർഷകർക്കുണ്ട്. 24 കിലോമീറ്റർ ദൈർഘ്യമുള്ള വലതുകര കനാലിലൂടെയും 23 കിലോമീറ്റർ ദൂരം പിന്നിടുന്ന ഇടതുകര കനാലിലൂടെയും എത്തുന്ന മംഗലംഡാം അണക്കെട്ടിലെ ജലത്തെ ആശ്രയിച്ചാണ് മേഖല യിലെ 3400 ഹെക്ടറോളം വരുന്ന പാടശേഖരങ്ങളിൽ കൃഷി ചെയ്യുന്നത്.

വാർത്തകൾ അതിവേഗം whatsapp ചാനലിൽ ലഭിക്കുന്നതിന് follow ചെയ്യുക👇

https://whatsapp.com/channel/0029VagDclc9WtCB7Vgw9w3D