1 കിലോഗ്രാം കഞ്ചാവുമായി മുടപ്പല്ലൂർ സ്വദേശിയെ പാലക്കാട് ഡാൻസാഫ് സ്ക്വാഡും വടക്കഞ്ചേരി പോലീസും ചേർന്ന് നടത്തിയ പരിശോധനയിൽ പിടികൂടി. മുടപ്പല്ലൂർ അഴീക്കുളങ്ങര ക്ഷേത്രത്തിന് സമീപം താമസിക്കുന്ന പ്രസാദ് ( 50) നെയാണ് മുടപ്പല്ലൂരിൽ നടത്തിയ പരിശോധനയിൽ പോലീസ് പിടിയിലായത്. പിടികൂടിയ കഞ്ചാവിന് ചില്ലറ വിപണിയിൽ 1 ലക്ഷം രൂപയോളം വില വരും. തമിഴ്നാട്ടിൽ നിന്നുമാണ് പ്രതി ചില്ലറക്കച്ചവടക്കാർക്ക് വിൽപ്പന നടത്താനായി കഞ്ചാവ് എത്തിക്കുന്നത്. നെമ്മാറ, മുടപ്പല്ലൂർ, വടക്കഞ്ചേരി, എന്നിവിടങ്ങളിലെ കോളേജ് വിദ്യാർത്ഥികൾ, അന്യസംസ്ഥാന തൊഴിലാളികൾ എന്നിവരാണ് പ്രധാന ഉപഭോക്താക്കൾ. 500 രൂപ നിരക്കിലാണ് ചെറിയ പാക്കറ്റ് കഞ്ചാവ് ഒന്നിന് ഈടാക്കുന്നത്.
നടപടിക്രമങ്ങൾക്കു ശേഷം പ്രതിയെ നാളെ കോടതിയിൽ ഹാജരാക്കും.പാലക്കാട് ജില്ലാ പോലീസ് മേധാവി R. വിശ്വനാഥ് IPS ൻ്റെ നിർദ്ദേശത്തെത്തുടർന്ന് പാലക്കാട് നർക്കോട്ടിക് സെൽ DySP M. അനിൽ കുമാർ, ആലത്തൂർ DySP ആർ.അശോകൻ , വടക്കഞ്ചേരി സബ് ഇൻസ്പെക്ടർ സുധീഷ് കുമാർ, SCPO മാരായ അനന്തകൃഷ്ണൻ, CPO റിനു മോഹൻ, ശിവദാസൻ , DANSAF സ്ക്വാഡ് അംഗങ്ങളായ റഹിം മുത്തു, R.K കൃഷ്ണദാസ് ,സൂരജ് ബാബു. U, ദിലീപ്.കെ സമീർ .എസ് എന്നിവരടങ്ങിയ സംഘമാണ് കഞ്ചാവ് കടത്ത് പിടികൂടിയത്.
