മൃഗസംരക്ഷണ വകുപ്പിന്റെ ചെക്ക് പോസ്റ്റില്‍ വിജിലൻസ് നടത്തിയ റെയ്ഡില്‍ 14,000 രൂപ പിടികൂടി. ബാക്കി കൈക്കൂലി പണമായ 5800 രൂപ ഒളിപ്പിക്കാന്‍ ഫ്രിഡ്ജാണ് ഉദ്യോഗസ്ഥര്‍ തിരഞ്ഞെടുത്ത മാര്‍ഗം. എന്തായാലും റെയ്ഡില്‍ മുഴുവൻ പണവും വിജിലൻസ് പിടികൂടി.
പാലക്കാട് ഗോപാലപുരം നട്പുണി ചെക്ക്പോസ്റ്റില്‍ ആണ് സംഭവം. മുൻപ് വാഴത്തണ്ടിനുള്ളില്‍ കൈക്കൂലി പണം ഒളിപ്പിച്ചത് ഈ ചെക്ക്പോസ്റ്റിലായിരുന്നു.
കൈക്കൂലി പണം ഒളിപ്പിക്കാന്‍ വ്യത്യസ്ത മാര്‍ഗങ്ങളാണ് ഉദ്യോഗസ്ഥര്‍ സ്വീകരിക്കുന്നത്. 2 മാസങ്ങള്‍ക്ക് മുമ്പ് വാളയാര്‍ മോട്ടോര്‍ വാഹന ചെക്ക്പോസ്റ്റില്‍ കൈക്കൂലിപ്പണം കാന്തത്തില്‍ കെട്ടി ഒളിപ്പിച്ചിരുന്നു. വിജിലൻസ് നടത്തിയ പരിശോധനയിലാണ് ഫ്ളക്സ് ബോഡിലെ ഇരുമ്പ് ഫ്രെയിമില്‍ പണം ഒളിപ്പിച്ച്‌ വെച്ചത് കണ്ടെത്തിയത്. റെയ്ഡില്‍ 13,000 രൂപ പിടിച്ചെടുത്തു. ഇതില്‍ 5500 രൂപ കാന്തത്തില്‍ കെട്ടി ഒളിപ്പിച്ച നിലയിലും 7500 രൂപ ഓഫീസിനുള്ളില്‍ നിന്നുമാണ് കണ്ടെത്തിയത്.
മുമ്പ് ഗോവിന്ദാപുരം ചെക്ക് പോസ്റ്റില്‍ വാഴയുടെ തണ്ടിനുള്ളില്‍ നിന്നും കൈക്കൂലി പണം പിടിച്ചെടുത്തിരുന്നു. ഈ സമയം ഡ്യൂട്ടിയില്‍ ഉണ്ടായിരുന്ന മോട്ടോര്‍ വെഹിക്കിള്‍ ഇൻസ്പെക്ടര്‍, നാല് അസിസ്റ്റൻ്റ് മോട്ടോര്‍ വെഹിക്കിള്‍ ഇൻസ്പെക്ടര്‍മാര്‍, ഓഫീസ് അസിസ്റ്റൻ്റ് എന്നിവര്‍ക്കെതിരെ നടപടിക്ക് ശുപാര്‍ശ ചെയ്തു. വിജിലൻസ് ഡിവൈഎസ്പി ഷംസുദീനാണ് റെയ്ഡിന് നേതൃത്വം നല്‍കിയത്.
പ്രാദേശിക വാർത്തകൾ WhatsApp ൽ ലഭിക്കുന്നതിന് താഴെ Click ചെയ്യുക 👇
https://chat.whatsapp.com/Egc8ACcg23sLWDlwBl2Fcx
