ദേശീയപാത കല്ലിടുക്കിൽ ബൈക്കിന് പിന്നിൽ ലോറി ഇടിച്ചുണ്ടായ അപകടം; ആലത്തൂർ സ്വദേശി ഉണ്ണികൃഷ്ണൻ (63) മരിച്ചു.

ദേശീയപാത കല്ലിടുക്കിൽ ബൈക്കിന് പിന്നിൽ ലോറി ഇടിച്ചുണ്ടായ അപകടത്തിൽ ബെക്ക്  യാത്രികൻ മരിച്ചു. ബൈക്കിന് പിന്നിലിരുന്ന് യാത്ര ചെയ്തിരുന്ന ആലത്തൂർ സ്വദേശി ഉണ്ണികൃഷ്ണൻ (63) ആണ് മരിച്ചത്. ഇന്ന് ഉച്ചയ്ക്ക് ഒന്നരയോടെ പാലക്കാട് ഭാഗത്തേക്കുള്ള പാതയിലാണ് അപകടം ഉണ്ടായത്. അടിപ്പാത നിർമ്മാണത്തെ തുടർന്ന് ഗതാഗതനിയന്ത്രണം ഏർപ്പെടുത്തിയ ഭാഗത്ത് വെച്ച് ബൈക്കിന് പിന്നിൽ ലോറി വന്ന് ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേയ്ക്ക് വീണ ഉണ്ണികൃഷ്ണന്റെ തലയിലൂടെ ലോറി കയറുകയായിരുന്നു. ഉടൻ തൃശൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബൈക്ക് ഓടിച്ചിരുന്നയാളുടെ പരിക്ക് ഗുരുതരമല്ല.

പ്രാദേശിക വാർത്തകൾ WhatsApp ൽ ലഭിക്കുന്നതിന് താഴെ ക്ലിക്ക് ചെയ്യുക👇https://chat.whatsapp.com/F6BWj8HGzZL4wnx2Rd23Wt