പാലക്കാട്ടുനിന്ന് ആലത്തൂർ എസ് എൻ കോളേജ് വഴി ഗുരുവായൂരിലേക്കുള്ള കെഎസ്ആർടിസി സർവീസ് ഫ്ലാഗ് ഓഫ് എംഎൽഎമാരായ കെ.ഡി പ്രസേനൻ, പി.പി സുമോദ് എന്നിവർ ചേർന്ന് നിർവഹിച്ചു
പാലക്കാട്ടുനിന്ന് ആലത്തൂർ ശ്രീനാരായണ കോളേജ് വഴി ഗുരുവായൂരിലേക്കുള്ള പുതിയ കെഎസ്ആർടിസി ബസ് സർവീസിന് തുടക്കമായി. എംഎൽഎമാരായ കെ.ഡി പ്രസേനൻ, പി.പി സുമോദ് എന്നിവർ ചേർന്ന് സർവീസ് ഫ്ലാഗ് ഓഫ് ചെയ്തു.
വിദ്യാർത്ഥികൾക്കും തീർത്ഥാടകർക്കും ഗ്രാമീണ മേഖലയിലെ യാത്രക്കാർക്കും ഒരുപോലെ ഉപകാരപ്രദമാകുന്ന രീതിയിലാണ് പുതിയ റൂട്ട് ക്രമീകരിച്ചിരിക്കുന്നത്. ആലത്തൂർ ശ്രീനാരായണ കോളേജ്, തെന്നിലാപുരം, കണ്ണമ്പ്ര തുടങ്ങിയ പ്രദേശങ്ങളെ ബന്ധിപ്പിച്ചാണ് സർവീസ് നടത്തുന്നത്.
സമയക്രമം:
രാവിലെ 7.50-ന് പാലക്കാട്ടുനിന്ന് യാത്ര തിരിക്കും.
ആലത്തൂർ, ആലത്തൂർ എസ്.എൻ കോളേജ്, തെന്നിലാപുരം, പുളിങ്കൂട്ടം, കണ്ണമ്പ്ര, വാണിയമ്പാറ, പട്ടിക്കാട് വഴി 11.10-ന് ഗുരുവായൂരിൽ എത്തിച്ചേരും.
മടക്കയാത്ര: ഉച്ചയ്ക്ക് 1.30-ന് ഗുരുവായൂരിൽ നിന്ന് തിരിച്ച് വൈകിട്ട് 4.50-ന് പാലക്കാട് എത്തുന്ന രീതിയിലാണ് സർവീസ്.
ദിവസേന രണ്ട് സർവീസുകളാണ് ഈ റൂട്ടിൽ ഉണ്ടായിരിക്കുക. ചടങ്ങിൽ ജനപ്രതിനിധികളും കെഎസ്ആർടിസി ഉദ്യോഗസ്ഥരും നാട്ടുകാരും പങ്കെടുത്തു.
പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക👇https://chat.whatsapp.com/BlpDCPJEq1v26BWxJY9H8X?mode=hqrt2
