സാമ്പത്തിക സ്ഥിതി വിവരകണക്ക് വകുപ്പ് ജില്ലാ ഓഫീസിന്റെ ആഭിമുഖ്യത്തില് 11-ാമത് കാര്ഷിക സെന്സസിന്റെ ജില്ലാതല പരിശീലന പരിപാടി ടോപ്പ് ഇന് ടൗണ് ഗാര്ഡന് വ്യൂ ഹാളില് ജില്ലാ പഞ്ചായത്ത് പ്രസിഡന്റ് ഉദ്ഘാടനം ചെയ്തു. യോഗത്തില് സാമ്പത്തിക സ്ഥിതി വിവരകണക്ക് ജില്ലാ ഡെപ്യൂട്ടി ഡയറക്ടര് സിനി കാസിം അധ്യക്ഷയായി. റിസര്ച്ച് ഓഫീസര് (എം.ഐ) ഫെഡറിക് ജോസഫ്, റിസര്വ് ഓഫീസര് (ഐ.ഐ.പി) സുന്ദരന്, സാമ്പത്തിക സ്ഥിതി വിവരക്കണക്ക് വകുപ്പ് ജോയിന്റ് ഡയറക്ടര് ആര്. സുദര്ശ, ജില്ലാ പ്രിന്സിപ്പല് അഗ്രികള്ച്ചറല് ഓഫീസര് എ.കെ സരസ്വതി എന്നിവര് സംസാരിച്ചു.
സെന്സസ് മൂന്ന് ഘട്ടങ്ങളില്
കാര്ഷിക സെന്സസ് 2021-22 വര്ഷത്തെ പ്രവര്ത്തനങ്ങള് പ്രധാനമായും മൂന്ന് ഘട്ടങ്ങളിലാണ് നടപ്പിലാക്കുന്നത്. വിവിധ വികസന പദ്ധതികള് ആസൂത്രണം ചെയ്യുന്നതിനും കാര്ഷിക മേഖലയുടെ സമഗ്ര വികസനത്തിന് ആവശ്യമായ പദ്ധതികള് തയ്യാറാക്കുന്നതിനും സാമൂഹിക സാമ്പത്തിക നയരൂപീകരണത്തിനും കാര്ഷിക സെന്സസിലൂടെ ശേഖരിക്കുന്ന വിവരങ്ങള് ഉപയോഗിക്കുന്നു. കൂടാതെ കൈവശാനുഭവ ഭൂമിയുടെ എണ്ണവും വിസ്തൃതിയും ഭൂവിനിയോഗം, കൃഷിരീതി, കൃഷിക്ക് ഉപയോഗിക്കുന്ന ജലസേചനം, വളം, കീടനാശിനി, കാര്ഷിക ഉപകരണങ്ങള് എന്നീ സവിശേഷതകള് മനസിലാക്കുന്നതും സെന്സസ് ലക്ഷ്യമിടുന്നു.
ഇതിനുമുമ്പ് നടന്ന 10 സെന്സസുകളില് നിന്നും വ്യത്യസ്തമായി 11-ാമത് സെന്സസിന്റെ ഒന്നാംഘട്ടത്തില് സംസ്ഥാനത്തെ പഞ്ചായത്ത്/ നഗരസഭ/ കോര്പ്പറേഷന് എന്നിവകളിലെ മുഴുവന് വാര്ഡുകളും ഡിവിഷനുകളും തിരഞ്ഞെടുത്ത് മൊബൈല് ആപ്ലിക്കേഷന് വഴി താത്ക്കാലിക എന്യൂമറേറ്റര്മാര് വിവരശേഖരണം നടത്തുന്നു. ഒന്നാംഘട്ട വിവരശേഖരമായ ലിസ്റ്റിങ് ആരംഭിക്കുന്നതിനുള്ള നടപടികള് ആരംഭിച്ചു കഴിഞ്ഞു. ഒന്നാം ഘട്ടത്തില് എല്ലാ തദ്ദേശസ്വയംഭരണ വാര്ഡുകളിലെയും മുഴുവന് ഉടമസ്ഥരുടെയും ഓപ്പറേഷണല് ഹോള്ഡര്മാരുടെയും കൈവശമുള്ള ഹോള്ഡിങ്ങു(കൈവശഭൂമി)കളുടെ പ്രാഥമിക വിവരങ്ങള് ശേഖരിക്കും. രണ്ടാംഘട്ടത്തില് സംസ്ഥാനത്തെ മുഴുവന് തദ്ദേശസ്വയംഭരണ വാര്ഡുകളുടെ 20 ശതമാനം വാര്ഡുകളില് നിന്നും തിരഞ്ഞെടുക്കുന്ന ഹോള്ഡിങ്ങുകളില് നിന്ന് കൃഷിരീതി, ജലസേചനം തുടങ്ങിയ വിവരങ്ങളും മൂന്നാംഘട്ടത്തില് സംസ്ഥാനത്തെ മുഴുവന് തദ്ദേശസ്വയംഭരണ വാര്ഡുകളുടെ ഏഴ് ശതമാനം സാമ്പിള് വാര്ഡുകളില് നിന്നും തിരഞ്ഞെടുക്കുന്ന ഹോള്.
ഡിങ്ങുകളുടെ ഇന്പുട്ട് (വളം, യന്ത്രസാമഗ്രികള് തുടങ്ങിയവ) ഉപയോഗരീതിയെക്കുറിച്ചുള്ള വിവരങ്ങളും ശേഖരിക്കുന്നു. സാമ്പത്തിക സ്ഥിതിവിവര കണക്ക് വകുപ്പ് ജില്ലാ ഡെപ്യൂട്ടി ഡയറക്ടര്ക്കാണ് ജില്ലാതലത്തില് കാര്ഷിക സെന്സസിന്റെ നടത്തിപ്പ് ചുമതല.
പ്രാദേശിക വാർത്തകൾ WhatsApp ൽ ലഭിക്കുന്നതിനായി താഴെ Click ചെയ്യുക👇🏻
https://chat.whatsapp.com/FS87xJx1QXmAzTHWM1ufMO
